لا مزيد من الوجع( اكتفيت ) لا مزيد من الخزلان

في ناس كتير الأزمات ومواقف حياتهم الصعبة بتكسرهم وبتحول حياتهم لسلسة أيام شبة بعضها

حياة بلا روح بلا أمل حياة ناقصها حياة

وناس تانية المحن والأزمات بتقويهم وعلي قد ما بتعلم فيهم  بتعلمهم وبتزرع جواهم الصمود والمعافرة والاصرار علي العبور لبر الأمل 

صدقني لو اللي فات كان كلة اجبار ... اللي جاي قرار واختيار في ايدك تخلي ايامك شبة بعضها بالملل والاحباط والانكسار وانتظار المعجزات

أو تخلق من كل يوم حكاية تحدي تضيف لرصيد ذكرياتك واللي جاي من حياتك قيمة وأثر 

في إيدك تعيشها في حزن وياريت.. أو تصرخ في خوفك أو ضعفك ويأسك خلاص اكتفيت